مفيش وزير داخلية والشعب عايش فى حالة
جابوا بلطجية برده الشعب نفض لهم واشتغل وعايش
مفيش وزير اقتصاد وبرده الاقتصاد عادى شوية فوق وشوية تحت
الكبيرة بقه
مفيش رئيس اه والله من 11 فبراير مفيش رئيس والدنية ماشية والناس بتعدى قدام قصر العروبة وعارفه انه فاضى ومدش فكره يدخل على الكرسى بتاع الرئاسة
انا مش متاكد انه فيه كرسى للرئاسة ممكن تكون كراسى وممكن يكون مفيش
ويكون الرئيس بيحكم من على الكنبة
زى كثير من المصريين -حزب الكنبة - دا اشهر حزب فى مصر - اعلن تاسيسه من بدرى ويمكن احسن حزب دعمته الحكومات المتتالية فى مصر وعلى رئسهم من يجلس على الكرسى او الكنبة الرئيسية او الرئاسية
ايضا لا يوجد فى مصر اقتصاد
ولا استثمارات
وكثير من المصانع وقفت
أو اوقفت لكن يبقى هناك الحركة المالية فى مصر بيع وشراء
وموظفين قطاع عام وخاص وخلافه
يعنى العجلة ماشية
اتعجب كثير من الحديث عن العجلة
فالعجلة فى النظام السابق لم تتوقف بسبب اضراب لانه لم يكن يسمح بمثل هذه الكلمة مسبقا ما خلا بعض ما يلزم من الديكور والذى كان اوج نتائجها حرق علم اسرائيل واللمز على بعض الحكام الخارجيين وارفاق بها بعض الهتافات التى تريح القائمين عليها يعنى العجلة شغالة
كما ان اضرابات العمال الموجوده حاليا لم تكن موجوده فمن يرفض العمل يطرد نهائيا من العمل ولا مدافع ولا مجيب لرده للعمل فضلا عن اخذ حق من حقوقه يعنى العجلة شغالة
كما ان السياحة مشاء الله مشاء الله مش واقفه
والسياح بتبقى مشعاوزه تروح
والمنتجات الجلدية والبرديات بتتباع بكميات مهولة وجحز الفنادق وتذاكر الطيران بالجملة
وتذاكر الدخول للاماكن السياحية كانت متقدمة والمراكب واللنشات واليخوت فى النيل والبحار لم تتوقف عن اجراء الحفلات
يعنى العجلة شغالة
والاراضى بتتخصص وبتتباع
و100 الف للوليد وكام لعلاء مبارك وغيرهما لجرانه وغيره وغيره
والفلوس ماشاء الله خارجة على سويسرا واسرائيل والدول العربية
يعنى العجلة شغالة
وكثير كثير
بس رغم كل الشغل بتاع العجلة
لم نجد ابيضا ولا اسود
اى لم نجد وظائف
ولا عيش
ولا رواتب ولا اموال معاشات
ولا قمح ورز ولا حتى زيت وسكر
على الرغم من وجود مصانع لانتاج السكر فى مصر مش بنشوفه اساسا
على الرغم من ان العجلة شغالة
الا انا معظم اهالى مصر اما ضحايا لحرق او غرق او قتل اوتفجير اوماس ملعون او حتى مجنون
او تعذيب واعتقلات وبحجج احيانا وبكثير تفاهات
دم فاسد والعجلة ماشية
ولحم فاسد وبرده العجلة ماشية
وكمان قمح مسرطن ومبيدات متنفعش حتى للحشرات
وبرده العجلة ماشية
و6-8 مليون من شعب مصر مهجر اختيارى
فى دول الجوار والخليج والدول الاجنبية وحوالات والعجلة ماشية برده
ولا نتائج
معالجات غير ادمية لامراض عضال مستعصية
وسرطان وكبد وبائى وكمان انفلونزا طيور و خنازير
كل ده والعجلة ماشية
بس بيها مش حاسين
عن بلادنا هاربنين
وفى بلادنا مفرقين
صدمة ورا صدمة
فى دماغنا مصدعين
شرطة ايدها طايلة
وامن نظام بيهين شعب الدولة
ومرض وفقر بطالة برده وقهر وعمالة
لا في يوم شوفنا اقتصاد واحلامنا سراب فى سراب
ينادى نظيف ووراه غالى اقتصادنا فى العلالى
يبيعوا مصانع ومؤسسات
وفلوسها لجيوب البهوات
وعمال أشحت غاز
والناس طابور عالجاز
فلوس داخلة خارجة
نفرح والبورصة عالية
وطن كل يوم يهان
باعوه للامريكان
برده العجلة ماشية
والاقتصاد خربان
سيبونا نغير مصر
و غصب عنكم ثورة
رغم الفلول ثورة
رغم الكنبة ثورة
رغم الجيش ثورة
رغم الرافضين ثورة
ورغم ان الشرطة بتقول لم نقتل المتظاهرين
تعيش ثورة مصر
ويسقط الفلول
الخلاصة ان عجلة الانتاج لو تعمل لصالح اشخاص فلا حاجة لها
ولو انها تعمل بجد واجتهاد ويصرف فى جيوب الرؤوس فلا حاجة لها
ولو انها تطالب من راتبه 300 جنيه بوقف التظاهر والعمل لاعطاء رئيس جامعة راتب 250.000 جنيه ويزيد فى اماكن اخرى ووظائف اخرى فانا شخصيا وقتها مع المطالب الفئوية
